• 23 сәуір 2026
• 98

АБАЙ ІЛІМІ ЖӘНЕ ҚАЗІРГІ ҚОҒАМ

Қорқыт ата атындағы Қызылорда университетінде «Абай ілімі және қазіргі қоғам» тақырыбында мазмұнды дөңгелек үстел өтті. 
Іс-шараның негізгі мақсаты – Абай Құнанбайұлы мұрасын заманауи көзқарас тұрғысынан зерделеу, оның тағылымды идеяларын жас ұрпақтың санасына сіңіру және қоғам дамуына қажетті рухани құндылықтарды айқындау.
Дөңгелек үстел барысында қатысушылар ұлы ойшылдың еңбектеріндегі адамгершілік, білім мен тәрбие мәселелерін кеңінен талқылап, оның бүгінгі қоғам үшін маңыздылығына ерекше тоқталды.

Жиында Қазақ тілі мен әдебиеті және журналистика білім беру бағдарламасының аға оқытушысы, қауымдастырылған профессор, филология ғылымдарының кандидаты Сара Бақтиярқызы, Үш тілде оқытатын дарынды балаларға арналған мамандандырылған сыныптары бар Абай мектебінің директоры Айгүл Өткелбаева «Абайдың жолы – рухани бағдар, адамгершілік компас, тәрбиенің мәңгі кітабы» тақырыбында баяндама жасады. Олар өз сөздерінде Абай ілімінің тәрбиелік мәнін, оның тұлға қалыптастырудағы рөлін жан-жақты ашып көрсетті.
Сондай-ақ, Қазақ тілі мен әдебиеті және журналистика білім беру бағдарламасының аға оқытушысы, қауымдастырылған профессор, филология ғылымдарының кандидаты Айман Айтбаева сөз сөйлеп, Абай шығармашылығының қазіргі әдеби үдерістегі орнына тоқталды.

Іс-шара барысында студенттер ұлы ақынға арналған арнау өлеңдерін оқып, Абай мұрасына деген құрметтерін білдірді. Бұл жас буынның рухани құндылықтарға деген қызығушылығының жоғары екенін көрсетті.
Жиын соңында қатысушылар Абай ілімін дәріптеу – ұлттық құндылықтарды сақтаудың және рухани дамудың маңызды тетігі екенін атап өтті. Кездесу мазмұнды пікір алмасуға ұласып, жастардың рухани дүниесін байытуға өз үлесін қосты.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru