• 24 сәуір 2026
• 43

“АҚИҚАТ” ПІКІРСАЙЫСШЫЛАРЫ – ЖЕҢІС ТҰҒЫРЫНДА

Қорқыт ата атындағы Қызылорда университетінің “Ақиқат” дебат клубының пікірсайысшылары Қызылорда облысы Қоғамдық даму басқармасы ұйымдастырған “Жастар және мемлекеттік тіл саясаты” атты облыстық дебат турнирінде жоғары нәтиже көрсетіп, жүлделі орындарға ие болды.

   

Зияткерлік додада студенттер мемлекеттік тілдің мәртебесі, оны дамыту жолдары мен жастардың рөлі секілді өзекті тақырыптарда пікір алмасты.
Турнир қорытындысы бойынша І орынды Бегзатхан Махамбет пен Алихан Асқардан құралған “Ақиқаты осы” командасы жеңіп алды. Ал ІІ орын Ақбота Болат пен Сандуғаш Жаңабайдың “Өзіміз ғой” командасына бұйырды. Сонымен қатар, Алихан Асқар “Үздік спикер” номинациясымен марапатталды.    

   

Сондай-ақ, ынталандыру жүлдесіне Ақжан Мұхамадкәрім мен Ерасыл Нағашыбай (“Атау”), Ақбота Қолғанат пен Жанерке Оразәлі (“Қос қарлығаш”) командалары ие болды.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru