• 27 сәуір 2026
• 32

ИНФОРМАТИКА БІЛІМ БЕРУ БАҒДАРЛАМАСЫ БОЙЫНША РЕСПУБЛИКАЛЫҚ ОЛИМПИАДА ҚОРЫТЫНДЫЛАНДЫ

Қорқыт ата атындағы Қызылорда университетінде «Информатика» білім беру бағдарламасы бойынша республикалық пәндік олимпиада өтті. Аталған білім сайысы еліміздің әр өңірінен келген болашақ информатика мұғалімдерінің басын қосып, олардың кәсіби білімін шыңдауға бағытталды.

Олимпиаданың ашылу салтанатында университеттің Басқарма төрағасы – ректор Наурызбай Байқадамов құттықтау сөз сөйлеп, қатысушыларға сәттілік тіледі. Ол өз сөзінде білім саласындағы бәсекелестіктің маңыздылығын атап өтіп: «Сіздер – ізденіс пен жаңашылдықтың көрінісі, Қазақстан халқының зияткерлік капиталысыздар. Елдің болашағы сіздер болғандықтан, біз сіздерге сенеміз», – деді.

Қорқыт ата атындағы Қызылорда университетінің «Информатика және АКТ» білім беру бағдарламасының ұйымдастыруымен өткен олимпиадаға еліміздің әр өңірінен 20 команда қатысып, өзара бақ сынасты. Республикалық пәндік олимпиада қорытындысы бойынша жүлделі орындар анықталып, үздік командалар марапатталды. Сондай-ақ студенттердің білім деңгейін арттыруға, тәжірибе алмасуға және кәсіби дағдыларын дамытуға зор мүмкіндік берді. 

I орын:
СДУ Университеті
Жетекшісі: Шөмекей Жасмин
Қатысушылар: Мұхамбетова Нұрайым, Қуантай Мейіржан

II орын:
Қожа Ахмет Яссауи атындағы Халықаралық қазақ-түрік университеті
Жетекшісі: Аманжолова Алина
Қатысушылар: Дәулет Әділет Ерболұлы, Абдулхамидов Давлатбек Нодиржонұлы

Шәкәрім университеті
Жетекшісі: Рысжанова Айжан Сайлаухановна
Қатысушылар: Мұхаметкәрім Қаныш Саятұлы, Рыспекова Асанәлі Маратұлы

III орын:
Қазақ ұлттық қыздар педагогикалық университеті
Жетекшісі: Бостанов Бектас Ганиевич
Қатысушылар: Әбдірәсіл Айдана Мадиярқызы, Наралы Жарқын Ильясқызы

Х.Досмұхамедов атындағы Атырау университеті
Жетекшісі: Салтанова Галия Айсиевна
Қатысушылар: Тілеген Бейбарыс Елжанұлы, Хайрлиев Темирлан Русланович

Қ.Жұбанов атындағы Ақтөбе өңірлік университеті
Жетекшісі: Умирзакова Бану Габиденовна
Қатысушылар: Ғадылбек Әдемі Ерболатқызы, Кендебай Нұрғали Аманғалиұлы

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru