• 29 сәуір 2026
• 15

«Қорқыт Ата атындағы Қызылорда университеті» коммерциялық емес акционерлік қоғамының Басқарма мүшесі - стратегиялық даму және IT жөніндегі проректоры бос лауазымына конкурс

«Қорқыт Ата атындағы Қызылорда университеті» коммерциялық емес акционерлік қоғамының Директорлар кеңесі «Қорқыт Ата атындағы Қызылорда университеті» коммерциялық емес акционерлік қоғамының Басқарма  мүшесі - стратегиялық даму және IT жөніндегі проректоры бос лауазымына конкурс жариялайды.

Қоғамның орналасқан мекенжайы: Қызылорда қаласы, Әйтеке би көшесі, 29А.

Негізгі қызмет түрі - жоғары, жоғары оқу орнынан кейінгі, техникалық және кәсіптік, орта, ортадан кейінгі және қосымша білім беру саласында білім беру қызметтерін көрсету.

Қызмет мақсаты - ұлттық және жалпыадамзаттық құндылықтар, ғылым мен практиканың жетістіктері негізінде тұлғаны қалыптастыруға, дамытуға және кәсіби тұрғыдан жетілдіруге, сондай-ақ ғылыми әлеуетті дамытуға және әзірлемелерді коммерцияландыруға бағытталған сапалы білім алуға, оқыту мен оқытуды жүзеге асыруға қажетті жағдайлар жасау.

Конкурсқа қатысушыларға қойылатын талаптар:

1)  жоғары және жоғары оқу орнынан кейінгі білімінің болуы;

2) білім беру ұйымдарында және (немесе) тиісті салалардағы уәкілетті органдарда басшылық лауазымдарда кемінде 3 (үш) жыл еңбек өтілінің болуы;

Конкурсқа қатысуға келесі тұлғалар жіберілмейді:              

- жиырма бес жасқа толмаған;

- бұрын сыбайлас жемқорлық құқық бұзушылық жасаған;

- өтелмеген немесе алынбаған соттылығы бар;

- медициналық арнайы мекемелерде есепте тұрған;

- Қазақстан Республикасының заңнамасында көзделген өзге де жағдайлар.

Конкурсқа қатысу үшін үміткер мынадай құжаттарды ұсынады:

1) белгіленген нысандағы өтініш;

2) жеке басын куәландыратын құжаттың көшірмесі;

3) белгіленген нысандағы 3х4 өлшемдегі түрлі түсті фотосуреті бар қызметтік тізім;

4) салыстырып тексеру үшін түпнұсқаларын ұсына отырып, білім туралы құжаттар мен олардың қосымшаларының көшірмелері;

- Қазақстан Республикасы азаматтары шетелдік білім беру ұйымдарында алған білім туралы құжаттардың көшірмелерімен бірге білім беру саласындағы уәкілетті орган берген осы білім туралы құжаттарды тану немесе нострификациялау туралы куәліктердің көшірмелері қоса беріледі; бұған Қазақстан Республикасының «Болашақ» халықаралық стипендиясының иегерлері болып табылатын азаматтарға шетелдік жоғары оқу орындары, ғылыми орталықтар мен зертханалар берген білім туралы құжаттар, сондай-ақ білім туралы құжаттарды өзара тану және баламалылығы туралы халықаралық шарттың (келісімнің) қолданылу аясына жататын құжаттар кірмейді;

- «Болашақ» халықаралық стипендиясының иегерлеріне берілген білім туралы құжаттардың көшірмелеріне «Халықаралық бағдарламалар орталығы» акционерлік қоғамы берген Қазақстан Республикасы Президентінің «Болашақ» халықаралық стипендиясы бойынша оқуды аяқтағаны туралы анықтаманың көшірмесі қоса беріледі;

- білім туралы құжаттарды өзара тану және баламалылығы туралы халықаралық шарттың (келісімнің) қолданылу аясына жататын білім туралы құжаттардың көшірмелеріне білім беру саласындағы уәкілетті орган берген осы білім туралы құжаттарды тану туралы анықтамалардың көшірмелері қоса беріледі.

5) еңбек қызметін растайтын құжаттың жұмыс орны бойынша (қолданыстағы немесе соңғы) кадр қызметі куәландырған көшірмесі;\

6) денсаулық жағдайы туралы медициналық анықтама (дәрігерлік кәсіби-консультативтік қорытынды) № 075у нысаны бойынша;

7) мемлекеттік көрсетілетін қызметтер туралы заңнамаға сәйкес құжаттар тапсырылған күнге дейін бір жылдан аспайтын мерзімде берілген психоневрологиялық ұйымнан анықтама;

8) мемлекеттік көрсетілетін қызметтер туралы заңнамаға сәйкес құжаттар тапсырылған күнге дейін бір жылдан аспайтын мерзімде берілген наркологиялық ұйымнан анықтама;

9) қылмыстық заңнамаға сәйкес лауазымды атқаруға тыйым салынбағандығын растайтын құжат.

Конкурсқа қатысуға үміткерлер өздерінің біліміне, жұмыс тәжірибесіне, кәсіби деңгейі мен беделіне қатысты қосымша ақпарат ұсына алады (біліктілікті арттыру туралы құжаттардың көшірмелері, ғылыми дәрежелер мен атақтарды беру туралы құжаттар, мінездемелер, ұсынымдар, ғылыми жарияланымдар және кәсіби қызметін сипаттайтын өзге де мәліметтер).

Конкурсқа қатысуға құжаттар қабылдау хабарландыру жарияланған күннен бастап күнтізбелік 10 (он) күн ішінде жүргізіледі.

Конкурсты өткізу күні мен орны қосымша хабарланады.

Жоғарыда көрсетілген құжаттар белгіленген мерзімде келесі мекенжайға ұсынылуы тиіс: 120014, Қызылорда қаласы, Әйтеке би көшесі, 29А, бас әкімшілік ғимарат, Корпоративтік хатшыға (405 кабинет), телефон: +77776117112, Eldana@korkyt.kz