• 12 мамыр 2026
• 11

ҚОРҚЫТ АТА УНИВЕРСИТЕТІНДЕ «FREEDOM BANK-ПЕН ҚАРЖЫЛЫҚ САУАТТЫЛЫҚ АПТАЛЫҒЫ» ӨТУДЕ

Қорқыт ата атындағы Қызылорда университеті базасында «Freedom Bank-пен қаржылық сауаттылық апталығы» аясында студенттерге арналған танымдық кездесулер ұйымдастырылуда. Апталық барысында жастардың қаржылық сауаттылығын арттыруға бағытталған маңызды тақырыптар кеңінен талқылануда.
Іс-шараның негізгі мақсаты – студенттерді қаржы өнімдерін тиімді әрі жауапкершілікпен пайдалануға үйрету, жеке бюджетті басқару дағдыларын қалыптастыру және интернет-алаяқтықтан қорғану жолдарын түсіндіру. Кездесу барысында қатысушылар қаржылық қауіпсіздік, қаражатты жоспарлау және жинақтау мәдениеті жөнінде пайдалы ақпарат алды.

Апталық аясында банк мамандары Асхат Қатай мен Қанат Қалабаев студенттерге жеке қаржыны басқару, несиеге жауапкершілікпен қарау, инвестициялау негіздері және кең таралған алаяқтық схемалары туралы түсіндірме жұмыстарын жүргізуде. Атап айтқанда, вишинг, фишинг, жалған инвестициялық ұсыныстар, әлеуметтік желілердегі алаяқтық әрекеттер мен дропперлік қауіптің салдары жөнінде кеңінен айтылды.

             

Осындай ақпараттық кездесулер студенттердің қаржылық мәдениетін қалыптастырып қана қоймай, олардың киберқауіпсіздік бойынша сауаттылығын арттыруға мүмкіндік береді.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru