• 13 мамыр 2026
• 34

СТУДЕНТТІК ЗАҢ КЛИНИКАСЫНЫҢ ТӘЖІРИБЕСІ МЕН ӘЛЕУМЕТТІК МИССИЯСЫ

Құқықтану білім беру бағдарламасы аясында 2015 жылдан бастап "Студенттік Заң клиникасы" өз жұмысын белсенді түрде атқарып келеді.

Бүгінде Заң клиникасының жетекшісі – аға оқытушы, білікті заңгер Исаева Жанат Амандыққызы жүргізеді.

Қазіргі таңда Заң клиникасы 28 тұрақты мүшеден және кафедра ұстаздарынан тұрады. Олар тек құқық саласында ғана емес, сонымен қатар спорт, ғылым, қоғамдық өмір салаларында да үлкен жетістіктерге жеткен, үздік студенттер құрамы.

Заң клиникасы 6 мемлекеттік органмен және құқық қорғау мекемелерімен бірлесе жұмыс атқарады. Бұл – тәжірибе алмасуға және нақты құқықтық мәселелерді шешуге үлесімізді қосуға мүмкіндік берді. Клиника өз қызметі шегінде 2025–2026 жылдың мамыр аралығында 18 құқықтық насихат шарасы ұйымдастырылып, халыққа 98 тегін құқықтық көмек көрсетілген. Көрсетілген қызметке халықтың қанағаттану деңгейі 97,8 пайызды құрап, 50 азаматтың 49-ы клиника жұмысына оң баға берген. Бұдан бөлек, ай сайын шамамен 20–25 жаңа азамат заң клиникасына жүгінеді. Бұл көрсеткіштер заң клиникасының қоғамдағы маңыздылығы мен халық сенімінің жоғары екенін көрсетеді.

Университеттік заң клиникалары азаматтардың құқықтарын қорғауға, құқықтық сауаттылықты арттыруға, әлеуметтік әділеттілікті қамтамасыз етуге және болашақ заңгерлерді тәжірибелік тұрғыдан даярлауға елеулі үлес қосады. Сол себепті заң клиникалары құқықтық мемлекет қағидаларын жүзеге асырудағы маңызды институттардың бірі болып табылады.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru