• 13 мамыр 2026
• 13

ҚОРҚЫТ АТА УНИВЕРСИТЕТІНІҢ ЖЫЛЫЖАЙЫ: САПАЛЫ ӨНІМ МЕН ҒЫЛЫМИ ТӘЖІРИБЕ

Қорқыт ата атындағы Қызылорда университеті базасында жұмыс істейтін «Ботаникалық бақ және жылыжай шаруашылығы» бүгінде заманауи агротехнологияларды тиімді қолданудың және әлеуметтік қолдаудың үлгісіне айналып отыр.

Университет жылыжайларында экологиялық таза ауыл шаруашылығы өнімдері өсірілуде. Атап айтқанда, бірінші жылыжайда гидропоника және тамшылатып суару технологиялары арқылы F1 Cedrik сұрыпты қияр бапталуда. Әр өнімнің орташа салмағы 100–120 граммды құрайды.

Ал екінші жылыжайда F1 Bellfort, Mahitos, Belle және Lidenza сұрыпты қызанақтар өсірілуде. Қызанақтардың орташа салмағы 100–250 грамм аралығында. Сонымен қатар, мұнда Cavendish сұрыпты банан мен Meyer сұрыпты лимон да өсіріледі.

Жылыжайда өндірілген өнімдер университет қызметкерлеріне қолжетімді бағамен ұсынылуда. Бұл ұжымның сапалы әрі балғын өніммен қамтамасыз етілуіне мүмкіндік беріп қана қоймай, әлеуметтік қолдау тетіктерінің тиімді жүзеге асуына ықпал етуде.

Сонымен қатар, жылыжай шаруашылығы студенттер мен жас зерттеушілер үшін тәжірибелік алаң ретінде маңызды рөл атқарады. Мұнда білім алушылар агротехнологиялармен танысып, ғылыми-зерттеу бағытындағы тәжірибелерін жетілдіруге мүмкіндік алады.

Айта кету керек, мұндай бастамалар университеттің БҰҰ-ның Тұрақты даму мақсаттарын жүзеге асыруға, оның ішінде №2 «Аштықты жою» мақсатына қосып отырған нақты үлесінің бір көрінісі.

#ҚорқытАтаУниверситеті #KorkytAtaUniversity #ТұрақтыДаму #АштықтыЖою #Ғылым #Жылыжай #Қызылорда

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru