• 14 мамыр 2026
• 66

УНИВЕРСИТЕТ ДЕЛЕГАЦИЯСЫ ҚЫТАЙҒА БАРДЫ

Қорқыт ата атындағы Қызылорда университетінің Басқарма төрағасы – Ректор Наурызбай Байқадамов бастаған жұмысшы топ Қытайдағы іссапардың алғашқы күні AGR компаниясының өндірістік базасымен танысты. 

Компания ауыл шаруашылығына арналған заманауи дрондарды әзірлеу және өндіру бағытында жұмыс істейді. Кездесу барысында дрондардың құрастыру желісі, интеллектуалды басқару жүйелері, автоматтандырылған өндіріс процестері және агроөнеркәсіпке арналған цифрлық шешімдер таныстырылды.

Әсіресе егін алқаптарын мониторингтеу, тыңайтқыш себу, химиялық өңдеу және деректер жинау бағытындағы AI-driven технологиялар үлкен қызығушылық тудырды. Бұл жүйелер ауыл шаруашылығындағы еңбек өнімділігін арттырып қана қоймай, су мен ресурстарды тиімді пайдалануға мүмкіндік береді.

Қорқыт ата атындағы Қызылорда университеті үшін мұндай тәжірибе — жасанды интеллект, робототехника, IoT және smart agriculture бағыттарын дамытуда маңызды қадам. Болашақта агродрондар, цифрлық фермерлік және өндірістік автоматтандыру бойынша бірлескен жобалар мен студенттердің практикалық даярлығын күшейтуге үлкен мүмкіндік бар.

Қытайдағы алғашқы күн — технология, өндіріс және халықаралық серіктестіктің жаңа деңгейін көруге мүмкіндік берген маңызды тәжірибе болды. 🇰🇿🤝🇨🇳

#SDG2 #SDG4 #SDG9 #SDG11 #SDG17 #ArtificialIntelligence #SmartAgriculture #DroneTechnology #Innovation #KorkytAtaUniversity

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru