• 14 мамыр 2026
• 26

«ТАЗА ҚАЗАҚСТАН» – ОРТАҚ ЖАУАПКЕРШІЛІК

Қорқыт ата атындағы Қызылорда университеті елімізде экологиялық мәдениетті қалыптастыруға бағытталған «Таза Қазақстан» республикалық акциясы аясында ауқымды тазалық жұмыстарын жүргізуде. Наурыз айынан бастап мамыр айына дейін оқу орнының барлық оқу ғимараттарында университет басшылығы, оқытушылар мен білім алушылардың қатысуымен тұрақты түрде сенбіліктер ұйымдастырылып келеді.  

Экологиялық бастаманың негізгі мақсаты – қоршаған ортаны таза ұстау мәдениетін қалыптастыру, жастардың табиғатқа деген жанашырлығын арттыру және қоғамдық жауапкершілікті нығайту. Сенбілік барысында университет аумақтары тазартылып, ағаш түптері әктеліп, көгалдандыру жұмыстары жүргізілуде. Сонымен қатар, оқу ғимараттарының айналасы ретке келтіріліп, санитарлық тазалыққа көңіл бөлінуде. 

«Таза Қазақстан» акциясы аясындағы игі бастамалар алдағы уақытта да жалғасып, қоршаған ортаны қорғау бағытындағы жұмыстар жүйелі түрде жүзеге аса бермек.

Қорқыт ата атындағы Қызылорда университетінің медиа орталығы