• 15 мамыр 2026
• 27

ТАРИХИ СӘТ: ФУДАН УНИВЕРСИТЕТІНІҢ ҰЛТТЫҚ ҒЫЛЫМ ПАРКІНДЕ МЕМОРАНДУМҒА ҚОЛ ҚОЙЫЛДЫ

Ректор бастаған делегация Фудан университетінің Ұлттық ғылым және технологиялар паркіне (National Science Park of Fudan University) барды. Бұл – Қытайдың жетекші инновациялық орталықтарының бірі. Мұнда ғылым мен өмір біте қайнасып, армандар мен жасампаздық тоғысқан. 
Қорқыт ата атындағы Қызылорда университеті мен Фудан университетінің Ұлттық ғылым паркі арасында Ынтымақтастық туралы меморандумға қол қойылды.

Меморандум негізгі бағыттары:
Жасанды интеллект (AI) және ұшқышсыз технологиялар саласындағы бірлескен әзірлемелер
Ауыл шаруашылығына арналған дрондар – агродрондарды әзірлеу және енгізу
Өндірісті локализациялау – бірлескен ғылыми-өндірістік база құру
R&D зертханасын ашу – дрондарды жобалау, сынақтан өткізу және жетілдіру
Кадр даярлау – инженерлер мен операторларды оқыту, Қытайда тағылымдама
Стартаптарды акселерациялау – инкубаторлар, гранттар, технологиялық алмасу
Фудан университетінің Ұлттық ғылым паркі – Қытайдағы «университет – ғылым – өндіріс» моделінің эталоны. Бұл парк жүздеген жоғары технологиялық компанияларды біріктіріп, инновацияларды коммерцияландырудың тиімді экожүйесін құраған. Енді біз бұл тәжірибені Қазақстанға әкеліп, Қызылорда облысында заманауи агротехнологиялар мен цифрлық шешімдер кластерін құруды көздеп отырмыз.

Біздің ортақ мақсаттарымыз:
· Тұрақты даму мақсаттарына (SDG) қол жеткізу
· Орталық Азиядағы инновациялық инфрақұрылымды дамыту
· Жасыл экономика мен цифрландыруды қолдау

Қорқыт Ата университеті халықаралық серіктестік аясын кеңейтуді және озық технологияларды енгізуді жалғастырады. Бұл қадам – біздің өңірдің ғылыми-технологиялық болашағына салынған сенімді инвестиция.
Бірге – инновациялық болашаққа!
#KorkytAtaUniversity
#FudanSciencePark
#InternationalCooperation
#SDG4 #QualityEducation
#SDG8 #DecentWorkAndEconomicGrowth
#SDG9 #IndustryInnovationInfrastructure
#SDG17 #PartnershipsForTheGoals
#AI #DroneTechnology
#AgriTech
#DigitalTransformation
#KazakhstanChina

Қорқыт ата атындағы Қызылорда университетінің медиа орталығы