• 20 мамыр 2026
• 171

ҒЫЛЫМИ ІЗДЕНІСТЕГІ ҮЗДІК НӘТИЖЕ

Қорқыт ата атындағы Қызылорда университетінің студенттері Қазақстан Республикасы жоғары оқу орындары студенттерінің ғылыми-зерттеу жұмыстары байқауының университетішілік І кезеңінде өз жобаларын сәтті қорғап, І дәрежелі дипломмен марапатталды.
Аталған жетістікке «Жерді мелиорациялау, баптау және қорғау» және «Су ресурстары және суды пайдалану» білім беру бағдарламаларының студенттері Айзере Хикматуллаева, Ерқанат Өтетлеу және Ердаулет Амиров қол жеткізді.

Ғылыми жұмыстардың сапалы орындалуына «Су шаруашылығы және жерге орналастыру» білім беру бағдарламасының қауымдастырылған профессоры, PhD Перизат Буланбаева жетекшілік етті.
Студенттердің ғылыми ізденіске деген қызығушылығы мен зерттеу жұмыстарына белсенді қатысуы университеттің ғылыми әлеуетін арттырып, жас ғалымдардың қалыптасуына мүмкіндік беруде. Бұл жеңіс – білім мен ғылымға деген табандылықтың нақты нәтижесі.

Қорқыт ата атындағы Қызылорда университетінің медиа орталығы