• 16 қыркүйек 2022
• 1469

Докторлық диссертация жазу талаптарымен таныстырды

Қорқыт ата атындағы Қызылорда университетінің ғылыми жұмыстар және халықаралық байланыстар жөніндегі проректоры  Майнұр Бөрібаева 1-курс докторанттарымен кездесу өткізді. 
Кездесу барысында докторлық диссертация жазу және қорғаудың нұсқаулығымен таныстырды. Докторанттар ең алдымен ғылыми кеңесшілерімен бірге диссертациялық тақырыптары бойынша  үш жылға өз жоспарын жасау қажеттігін, диссертация тақырыбының мамандық шифрімен сәйкес келуін нақтылады. 
Сондай-ақ, ғылыми зерттеу жұмыстарын орындау барысында қандай нормативтік құжаттарды білу қажет екеніне тоқталды. Диссертация жазу кезіндегі жіберілетін қателіктерді, одан кейін қорғау кезіндегі талартарды атап өтті. 
Мұнан кейін 2-курс және 3-курс докторанттарымен кездескен Майнұр Әбілтайқызы диссертациялық жұмысты жазудағы мәселелерді атап өтті. Білім алушыларға  ҚР ҒБМ БҒСБ Комитет ұсынатын ғылыми баспалардың тізімімен жұмыс жасауды тапсырды.
Алдағы уақытта Орталық Азия Elsevier тобы «Scopus» журналына мақала шығару туралы вебинарлар сериясын ұйымдастыратынын және оны  Рабиға Қожамқұл жүргізетінін айтып өтті. Вебинарда Scopus журналына мақала шығару, оның ішінде әдебиет іздестіру, ынтымақтастық және бірлескен жетекшілер іздеу және т.б. мәселелер қозғалатынын жеткізді.
Кездесу соңында 3-курс докторанты Нұрайым Қыпшақбай Майнұр Әбілтайқызына докторанттар үшін орталық керек екенін және өз жұмыстарын осы орталықта басқа әріптестерімен кездесу барысында талқылауды ұсынды.