• 04 маусым 2026
• 21

МЕМЛЕКЕТТІК РӘМІЗДЕР КҮНІНЕ АРНАЛҒАН ИНТЕЛЛЕКТУАЛДЫ САЙЫС ӨТТІ

Қорқыт ата атындағы Қызылорда университетінде 4 маусым – Қазақстан Республикасының Мемлекеттік рәміздер күніне орай «Кітап – ұлттық рухтың, рәміз – ұлттық еркіндіктің белгісі» атты интеллектуалды сайыс ұйымдастырылды.

   

Танымдық шараның мақсаты – жастардың мемлекеттік рәміздерге деген құрметін арттыру, ұлттық құндылықтарды насихаттау және кітап оқуға деген қызығушылығын дамыту. 
Сайыс барысында қатысушылар Қазақстан Республикасының Мемлекеттік Туы, Елтаңбасы мен Әнұранына қатысты сұрақтарға жауап беріп, өз білімдері мен тапқырлықтарын ортаға салды.

Интеллектуалды дода студенттердің тарихи танымын кеңейтіп, елдік құндылықтарға деген құрметін нығайтуға бағытталды. Қатысушылар бірнеше кезең бойынша бақ сынап, белсенділік танытты.
Шара соңында жеңімпаздар мен қатысушыларға арнайы Алғыс хаттар мен сыйлықтар табысталды.

Қорқыт ата атындағы Қызылорда университетінің медиа орталығы