• 04 маусым 2026
• 95

ҚОС УНИВЕРСИТЕТТІҢ БІРЛЕСКЕН ЖОБАСЫ ЖАҢА КЕЗЕҢГЕ ҚАДАМ БАСТЫ

Қорқыт ата атындағы Қызылорда университетінің Басқарма төрағасы – Ректор Наурызбай Байқадамов Ресей халықтар достығы университетінің (РУДН) өкілдерімен кездесті. Басқосу екі жоғары оқу орны арасындағы академиялық ынтымақтастықты нығайтуға және бірлескен білім беру жобаларын дамытуға арналды.

Кездесуге филология ғылымдарының кандидаты, доцент Светлана Красильникова және педагогика ғылымдарының кандидаты, доцент Людмила Апакина қатысты. Тараптар бірлесіп әзірлеген «Цифрлық білім беру ортасындағы орыс тілі мен әдебиеті» қосдипломды білім беру бағдарламасының жүзеге асырылу барысын талқылап, алдағы жоспарлар жөнінде пікір алмасты.
Қосдипломды бағдардамаға алғашқы қабылдау 2026-2027 оқу жылынан бастау жоспарлануда. 

Басқарма төрағасы – Ректор Наурызбай Сейтқалиұлы аталған бағдарламаның студенттерге халықаралық деңгейде сапалы білім алуға және екі университеттің дипломын қатар иеленуге мүмкіндік беретінін атап өтті. 
Сонымен қатар, жобаға екі оқу орнының жетекші ғалымдары мен білікті мамандары тартылғаны айтылды. Кездесу қорытындысында тараптар білім беру және ғылыми бағыттағы серіктестікті одан әрі дамытуға өзара мүдделі екендіктерін білдірді.

Қорқыт ата атындағы Қызылорда университетінің медиа орталығы