• 09 маусым 2026
• 46

ЖАС ҒАЛЫМДАР ХАЛЫҚАРАЛЫҚ ҒЫЛЫМИ ОРТАЛЫҚТА БІЛІМІН ЖЕТІЛДІРДІ

Қорқыт ата атындағы Қызылорда университетінің «Мемлекеттік және жергілікті басқару» және «Экономика» білім беру бағдарламаларының 2-курс докторанттары Ресей ғылым академиясының Орталық экономикалық-математикалық институтында ғылыми тағылымдамадан өтті.
Тағылымдама барысында докторанттар Нұргүл Құлтанова мен Жанна Смагулова әлеуметтік-экономикалық үдерістерді модельдеудің өзекті мәселелеріне арналған ғылыми-зерттеу жұмыстарына қатысып, жетекші ғалымдардың қатысуымен өткен ғылыми семинарлар мен пікірталас алаңдарында тәжірибе алмасты.

Ғылыми тағылымдама аясында докторанттар өздерінің зерттеу бағыттарына сәйкес отандық және шетелдік ғылыми әдебиеттерді, диссертациялық жұмыстарды, монографияларды және нормативтік-құқықтық құжаттарды жан-жақты зерделеп, ғылыми талдау жүргізді.
Халықаралық ғылыми ортада жинақталған тәжірибе мен алынған білім докторанттардың зерттеушілік құзыреттерін арттыруға, ғылыми әлеуетін нығайтуға және докторлық диссертацияларын сапалы даярлауға мүмкіндік береді. Сонымен қатар, тағылымдама нәтижелері олардың алдағы ғылыми-зерттеу қызметінде кеңінен қолданылатын болады.

Қорқыт ата атындағы Қызылорда университетінің медиа орталығы