• 09 маусым 2026
• 81

РЕКТОР ЖАҢА ИНФРАҚҰРЫЛЫМДЫҚ НЫСАНДАРДЫҢ ДАЙЫНДЫҚ ДЕҢГЕЙІН ТЕКСЕРДІ

Қорқыт ата атындағы Қызылорда университетінің Басқарма төрағасы – Ректор Наурызбай Байқадамов №5 оқу ғимаратында орналасқан инфрақұрылымдық нысандарды аралап, құрылыс жұмыстарының барысымен және нысандардың дайындық деңгейімен танысты.
Аралау барысында университет басшысы Инжинирингтік парк құрамында қарастырылған жылу қазандығының жұмысын көрді. Жоба аясында әрқайсысының қуаты 1815 кВт болатын екі заманауи қазандық орнатылған. Жалпы жылу қуаты 3630 кВт-ты құрайтын бұл жүйе университеттің жалпы ауданы 36 мың шаршы метрден асатын ғимараттарын тұрақты жылумен қамтамасыз етуге мүмкіндік береді. 

Жаңа жылу қазандығы жаңадан салынып жатырған Инжинирингтік парк ғимаратын, № 5 оқу ғимаратын, «Жігер» асханасын, №3, №4 студенттер үйлері мен жаңадан бой көтеретін 500 орындық жатақхананы толық көлемде жылумен қамтамасыз етуге мүмкіндік береді. 
Қазіргі уақытта құрылыс жұмыстары бекітілген кестеге сәйкес жүргізілуде. Жобаны іске асыру мерзімі – 9 ай. Нысандарды аралау барысында ректор құрылыс сапасын жоғары деңгейде қамтамасыз етуді және жұмыстардың белгіленген мерзімде аяқталуы бойынша жауапты мамандарға нақты тапсырмалар берді.

Қорқыт ата атындағы Қызылорда университетінің медиа орталығы