• 12 маусым 2026
• 100

ҚЫРҒЫЗСТАНДЫҚ ТҮЛЕКТЕРГЕ ЖОҒАРЫ БІЛІМ МҮМКІНДІКТЕРІ ТАНЫСТЫРЫЛДЫ

Университеттің кәсіби бағдар беру тобы Қырғыз  Республикасының Ыстықкөл облысына қарасты Түп және Талдысу аудандарында болып, мектеп бітіруші түлектер мен олардың ата-аналарымен кездесу өткізді. Іс-шараның мақсаты – талапкерлерге жоғары білім алу мүмкіндіктері мен мамандық таңдау бағытында кеңес беру.

Кездесу барысында қатысушыларға университеттің білім беру бағдарламалары, қабылдау талаптары, білім гранттары, академиялық ұтқырлық бағдарламалары және студенттік өмірдің ерекшеліктері туралы жан-жақты ақпарат ұсынылды.

Оқушылар мен ата-аналар өздерін қызықтырған сұрақтарын қойып, болашақ мамандық таңдау, құжат тапсыру және оқу үдерісіне қатысты толыққанды жауап алды. Еркін форматта өткен кездесу жастардың жоғары білімге деген қызығушылығын арттыруға мүмкіндік берді.

Мұндай кәсіби бағдар беру жұмыстары талапкерлермен байланысты нығайтып қана қоймай, Қазақстан мен Қырғызстан арасындағы білім беру саласындағы ынтымақтастықты дамытуға да ықпал етеді.

Қорқыт ата атындағы Қызылорда университетінің медиа орталығы