• 19 маусым 2026
• 47

ҚОРҚЫТ АТА УНИВЕРСИТЕТІНІҢ КІТАПХАНА ҚОРЫ ЖАҢА ТУЫНДЫМЕН ТОЛЫҚТЫ

Қорқыт ата атындағы Қызылорда университетінде көрнекті жазушы, мемлекет және қоғам қайраткері Әбіш Кекілбаевтың қайта басылып шыққан «Елең-алаң» романы университет кітапханасының қорына салтанатты түрде сыйға табысталды.
Іс-шараға Ғылыми жұмыстар және халықаралық байланыстар жөніндегі проректор Майнура Бурибаева қатысып, университет қорына табысталған кітаптарды қабылдап алды. 

Аталған мәдени шара мемлекет басшысы Қасым-Жомарт Тоқаевтың «Кітап оқитын ұлт» жобасы аясында ұйымдастырылды. Кітаптың қайта жарық көруіне «Банк ЦентрКредит» АҚ демеушілік көрсетті.
««Елең-алаң» романы 1984 жылдан бері қайта басылып шықпаған. Биыл Қазақстан Республикасы Ғылым және жоғары білім министрлігінің қолдауымен 8 мың дана болып жарық көрген шығарма еліміздің жоғары оқу орындарына таратылуда. Бүгін университет кітапханасына романның 70 данасын табыстадық»,-деді «Банк ЦентрКредит» АҚ жергілікті филиалының директоры Мұрат Нұғыманов.

Тағылымды шараға университеттің профессор-оқытушылар құрамы, студенттер мен докторанттар қатысты. Аталған бастама жастардың кітап оқуға деген қызығушылығын арттырып, ұлттық әдеби мұраны кеңінен насихаттауға мүмкіндік береді.

Қорқыт ата атындағы Қызылорда университетінің медиа орталығы