• 21 қыркүйек 2022
• 2093

«Kitap fest - 2022»

Қала күніне орай ұйымдастырылған «Kitap fest – 2022» фестивалі аясында Қорқыт ата атындағы Қызылорда университетінің ғылыми кітапханасы көрме өткізді. 
Көрмеге оқу орнындағы профессор-оқытушылардың еңбектері, «Жаңа гуманитарлық білім. Қазақ тіліндегі 100 жаңа оқулық» жобасы аясында жарық көрген кітаптар қойылды.
Айта кету керек, фестивальде тұрғындардың кітап алмасуына арналған буккросинг алаңы ашылды. 
Жиынға университеттің Басқарма Төрағасы – Ректор Бейбіткүл Кәрімова, әлеуметтік және тәрбие жұмыстары жөніндегі проректор Жандос Базартай, оқу орнының профессор-оқытушылары қатысып, ауқымды шараға үлес қосты.   
Фестиваль Қызылорда қалалық әкімдігі мен Пушкин атындағы орталықтандырылған кітапханалар жүйесінің ұйымдастыруымен өтті.