• 05 шілде 2026
• 20

ИНЖЕНЕРЛІ-ТЕХНОЛОГИЯЛЫҚ ИНСТИТУТЫНЫҢ ТҮЛЕКТЕРІНЕ ДИПЛОМ ТАБЫСТАЛДЫ

Қорқыт ата атындағы Қызылорда университетінде Инженерлі-технологиялық институтының түлектеріне диплом табыстау рәсімі өтті.

Биыл институт бойынша 406 бакалавриат және 30 магистратура түлегі оқуын сәтті аяқтап, барлығы 436 жас маман жаңа өмір жолына қадам басты.

Салтанатты рәсіфмді университеттің Басқарма төрағасы – Ректор Наурызбай Байқадамов ашып, түлектерді айтулы мерекемен құттықтап, олардың алдағы кәсіби қызметіне табыс, ел игілігі жолындағы еңбектеріне сәттілік тіледі.

Іс-шараға Қызылорда облысы әкімінің бірінші орынбасары Данияр Жаналинов, Қорқыт ата университетінің КеАҚ Директорлар кеңесінің төрағасы Ерлан Әбіл, Қорқыт ата университетінің КеАҚ Директорлар кеңесінің мүшесі, «TechnoWomen» коммерциялық емес ұйымының президенті, тәуелсіз директоры Азиза Шужеева, Қызылорда облысының энергетика және тұрғын үй-коммуналдық шаруашылық басқармасының басшысы Медет Усаин, Ғылыми жұмыстар және халықаралық байланыстар жөніндегі проректор Майнура Бурибаева және Инженерлі-технологиялық институтының директоры Бахытбек Абжалелов қатысып, бітіруші түлектерге ақжарма тілектерін білдіріп, жарқын болашақтарына сәттілік тіледі.

Айта кетейік, биыл университетті бакалавриат бойынша 2390, магистратура бойынша 215 түлек тәмамдап, жалпы саны 2605 жас маман үлкен өмірге жолдама алды.

Қорқыт ата атындағы Қызылорда университетінің медиа орталығы