• 08 шілде 2026
• 68

«ҚАЗАҚСТАН ХАЛҚЫНА» ҚОРЫНЫҢ ҚОЛДАУЫМЕН БІЛІМ АЛҒАН 13 СТУДЕНТ УНИВЕРСИТЕТ ТҮЛЕГІ АТАНДЫ

Қорқыт ата атындағы Қызылорда университетінде «Қазақстан халқына» қоғамдық қорының білім беру гранты аясында білім алған студенттердің кезекті легі оқуын сәтті аяқтады.
Бүгінде қор гранты бойынша университетте 34 студент білім алуда. Оның ішінде 13 студент биыл жоғары оқу орнын тәмамдап, таңдаған мамандықтары бойынша диплом иегері атанды.

Түлектер педагогика, құқықтану, қазақ филологиясы, қазақ тілі мен әдебиеті, ақпараттық жүйелер, қаржы, әлеуметтік жұмыс, тарих, аударма ісі, есеп және аудит, көркем еңбек және сызу мұғалімдерін даярлау, азық-түлік өнімдерінің технологиясы секілді білім беру бағдарламалары бойынша білім алды.

«Қазақстан халқына» қорының білім беру бастамасы талапкерлердің сапалы жоғары білім алуына мүмкіндік беріп, білікті мамандар даярлауға өз үлесін қосып келеді.

Қорқыт ата атындағы Қызылорда университетінің медиа орталығы