• 22 шілде 2026
• 67

ҚОРҚЫТ АТА АТЫНДАҒЫ ҚЫЗЫЛОРДА УНИВЕРСИТЕТІНІҢ ЖАС ҒАЛЫМДАРЫ ҚЫТАЙДА

Қорқыт ата атындағы Қызылорда университетінің Гуманитарлық-педагогикалық институты директорының орынбасары Жанар Абитова мен Шетел тілдері және аударма білім беру бағдарламасының жетекшісі Гаухар Сеитова Қытай Халық Республикасының Бейжің қаласындағы China Women’s University ұйымдастырған көшбасшы жас әйелдерге арналған халықаралық семинарға қатысуда.
Халықаралық семинар аясында университет өкілдері басқару және көшбасшылық бағытындағы кәсіби біліктіліктерін арттыруда.

   

Гуманитарлық-педагогикалық институты директорының орынбасары Жанар Абитованың айтуынша, мұндай халықаралық бағдарламалар кәсіби тәжірибені жетілдіруге ғана емес, халықаралық серіктестікті нығайтуға да жаңа мүмкіндіктер ашады.
«Семинар барысында басқару тәжірибесі, әйелдер көшбасшылығы және халықаралық ынтымақтастық бағытында құнды тәжірибе жинақтадық. Әртүрлі елдерден келген әріптестермен пікір алмасу болашақта бірлескен ғылыми-білім беру жобаларын жүзеге асыруға негіз болады деп сенемін», – деді Жанар Сабетханқызы.

Семинар аясында университет өкілдері Орталық Азия мемлекеттерінен келген қатысушылармен тәжірибе алмасып, халықаралық әріптестік байланыстар орнатты. Сонымен қатар, білім және ғылым саласындағы бірлескен жобаларды жүзеге асыру, стратегиялық ынтымақтастықты дамыту бағытында пікір алмасты.

Қорқыт ата атындағы Қызылорда университетінің медиа орталығы