• 26 қыркүйек 2022
• 2238

Ақымет – ұлт ұстазы

Алаш ардақтысы, ұлт ұстазы, тіл білімінің атасы Ақымет Байтұрсынұлының 150 жылдық мерейтойына орай «Ақымет – ұлт ұстазы» атты әдеби танымдық кеш өткізілді.

Шараны «қазақ тілі мен әдебиеті және журналистика» кафедрасының қауымдастырылған профессоры, ф.ғ.к. Күлдірсін Сарышова мен қазақ тілі мен әдебиеті мұғалімдерін даярлау мамандығының 3-курс студенттері ұйымдастырды.

Ұлы тұлғаны ұлықтауға арналған әдеби-танымдық кештің шымылдығы Ақымет Байтұрсынұлының өмірінен алынған қойылыммен ашылды.    

Жиында сырлы әуен, әуезді күй орындалды. Шералы Ғазиз домбыраның қоңыр үнімен күй шертіп, топтың ақын қызы Зейнеп Амангелді арнау өлең оқыды.

Ұлт ұстазы Ақымет Байтұрсынұлы өз өмірін тек тіл біліміне ғана емес, халықтың зердесіне сәуле түсіріп, санасын демократиялық ойларға бағыттаған көркем шығармалар жазуға арнаған. Оның сан қилы қырынан көрсету мақсатында топ студенттері “Ақымет – қазақтың ақыны”, “Ақымет – әдебиет зерттеуші ғалым”, “ Ақымет – түркітанушы”, “Ақымет – педагог”, “Ақымет –аудармашы”, “Ақымет – терминолог” атты тақырыптарда әзірлемелер оқыды.

А.Байтұрсынұлының “Анаға хат” өлеңі көрініс ретінде көрсетілсе, “Оқуға шақыру”, “Н.Қ ханымға” өлеңдері Оңталап Мақсат пен Ерсін Емішов орындауында көрермендерге ерекше әсер қалдырды. Кеш соңында топ студенттері филология ғылымдарының кандидаты, Қорқыт ата атындағы Қызылорда университетінің қауымдастырылған профессоры Абасилов Аман Маделханұлының, Әл-Фараби атындағы Қазақ ұлттық университетінің докторанты Айдана Махамбетқызының жолдаған челленджін қабылдап, оны Ж-20-1, Кял-22-1 оқу топтарына жолдады.

Айта кету керек, шараға Гуманитарлық-педагогикалық институт директоры  Сағат Тайман, ф.ғ.д. профессор Жеңіс Сәдуақасұлы, ф. ғ. к. Профессор Ғабит Әнешұлы, ф.ғ.к  Болат Боранбай, М.Мәметова атындағы Қызылорда педагогикалық жоғары колледжінің  студенттері Диана Нұрхан мен Эльвира Ахатаева, жетекшісі М.Мәметова атындағы Қызылорда педагогикалық жоғары колледжінің қазақ тілі мен әдебиеті пәнінің мұғалімі Мөлдір Меңдібаева, Қызылорда облыстық өлкетану мұражайының ғылыми қызметкері Эльзира Сағитжанқызы қатысты.

Білім қайраткері Ақымет Байтұрсынұлы  ұлықтаған ұлы тілді  құрметтеу  және  ғұлама ғалымның халқына берген асыл қазынасын сақтай білу – басты парызымыз.

«Қазақ тілі мен әдебиеті және журналистика» кафедрасы

Қорқыт ата атындағы Қызылорда университетінің медиа орталығы
Байланыс телефоны: 87242 26-21-34
e-mail: kmu.kmu@list.ru