• 21 тамыз 2026
• 24

LUPIC БАҒДАРЛАМАСЫ: КОРЕЯ СТУДЕНТТЕРІ ҚЫЗЫЛОРДАҒА АКАДЕМИЯЛЫҚ ТӘЖІРИБЕ АЛМАСУҒА КЕЛДІ

Қорқыт ата атындағы Қызылорда университетінде LUPIC бағдарламасы аясында академиялық тәжірибе алмасу мақсатында Корея Республикасынан келген студенттермен кездесу өтті.

Шетелдік студенттердің Қазақстанға сапары 15–23 тамыз аралығында ұйымдастырылуда.
Кореядан келген Lee Hanjoo, Hwang Seohyeon, Kim Minchae және Kim Hongmin қатысуда. Студенттер жасанды интеллект, IT және дизайн бағыттары бойынша тәжірибе алмасып, Қызылорда өңірінің тыныс-тіршілігімен танысуда.

Бағдарлама аясында кореялық студенттер қазақ халқының тарихы мен мәдениеті, пайдалы қазбалары, ұлттық салт-дәстүрлері және ұлттық тағамдары туралы ақпарат алды. 

Айта кетейік, бағдарламаның негізгі мақсаты – білім алушылар арасында халықаралық тәжірибе алмасуды дамыту, заманауи білім беру бағыттары бойынша кәсіби байланыстарды нығайту және мәдени ынтымақтастықты кеңейту.