• 28 қыркүйек 2022
• 1544

Қорқыт ата атындағы Қызылорда университетінің студенті қайтарымсыз грант иегері атанды

«Бизнестің жол картасы-2025» бизнесті қолдау мен дамытудың мемлекеттік бағдарламасы аясында Қорқыт ата атындағы Қызылорда университетінің студенті Жансая Мирамбекқызы жеңімпаздар тізімінен көрінді.

Қайтарымсыз грант - өңір экономикасының шикізаттық емес секторларындағы кәсіпкерліктің тұрақты және теңгерімді өсуін қамтамасыз ету, сонымен қатар жұмыс орындарын сақтау және тұрақты жұмыс істейтін жаңа жұмыс орындарын құру мақсатында берілді.

Жансая Мирамбекқызы – Жаратылыстану институты, «Биология» мамандығының 4-курс студенті, «Президенттік стипендия» иегері. Жас кәсіпкер конкурсқа «Қызылорда өңірінде жылыжайда цитрустық жеміс ағаштарын және құлпынай өсіру» тақырыбындағы жобасын ұсынып, 5 миллион теңгеге дейінгі қаржылай қолдау тапты.

Алдағы уақытта Жансая цитрустық жеміс ағаштары мен құлпынай көшеттерін өсіріп, жылыжай жабдықтарын алуды жоспарлауда.

Айта кетейік, қайтарымсыз грант конкурсына облыс бойынша 700 үміткер қатысып, оның 25-і жеңімпаз атанды.

Қорқыт ата атындағы Қызылорда университетінің медиа орталығы
Байланыс телефоны: 87242 26-21-34
e-mail: kmu.kmu@list.ru