• 03 қыркүйек 2026
• 21

«ӘДІЛЕТТІ ҚОҒАМҒА – ШЫНШЫЛ СӨЗ» КІТАБЫ ТАЛҚЫЛАНДЫ

Қызылорда облысы әкімдігінің ұйымдастыруымен Қорқыт ата атындағы Қызылорда университетінде Қазақстан Республикасының Президенті Қасым-Жомарт Кемелұлы Тоқаевтың «Әділетті қоғамға – шыншыл сөз» кітабын талқылауға арналған дөңгелек үстел өтті.

Жиын барысында Мемлекет басшысының еңбегінде көтерілген ел дамуының өзекті мәселелері сараланып, қоғамның сапалық жаңғыруы, ұлттық құндылықтарды сақтау, адами капиталды дамыту, білім мен ғылымның әлеуетін арттыру және мемлекеттік басқару жүйесін жетілдіру бағыттары талқыланды.

Іс-шараға облыс әкімінің орынбасары Мейрамбек Шермағанбет модераторлық етіп, ашық пікір алмасу алаңдарының қоғамдық ойды қалыптастырудағы маңызын атап өтті.

Дөңгелек үстел барысында университет басшысы Наурызбай Байқадамов ұлт сапасы, білім мен ғылымның дамуы және мемлекеттік басқару мәселелері бойынша ой-пікірін білдірді.

Сонымен қатар кітаптың мазмұны мен онда көтерілген өзекті мәселелер жөнінде Мемлекет және қоғам қайраткері Мұрат Бақтиярұлы, Қазақстан Жазушылар одағы Қызылорда облыстық филиалының төрағасы Қаршыға Есімсейітова, ҚР Президентінің жанындағы Мемлекеттік басқару академиясының Қызылорда облысы бойынша филиалының директоры, заң ғылымдарының кандидаты Ақзада Мадалиева және «Қазақ тілі мен әдебиеті және журналистика» білім беру бағдарламасының оқытушысы, философия докторы Серікхан Жүзеев баяндама жасады.

Дөңгелек үстелге қоғам және мемлекет қайраткерлері, зиялы қауым өкілдері, мемлекеттік қызметшілер, бұқаралық ақпарат құралдарының өкілдері мен жастар қатысып, кітапта көтерілген мәселелер төңірегінде пікір алмасты.