• 04 қыркүйек 2026
• 34

ЖАТАҚХАНА СТУДЕНТТЕРІМЕН КЕЗДЕСУ ӨТУДЕ

Оқу орнында 1-курс студенттерінің жаңа ортаға бейімделуіне қолдау көрсету мақсатында жатақханада тұратын білім алушылармен 2-8 қыркүйек аралығында кездесу өтуде.

Жиынға Әлеуметтік және тәрбие жұмыстары басқармасының басшысы Сагынбаева Жанар, бас әдіскері Алтынай Мұстафаева, әдіскері Ақниет Маулен, психологиялық қолдау орталығының психолог мамандары Сандигул Дарибаева мен Аружан Жасұлан, университет медбикесі Гулнара Есмаханова, «Kyzylorda HUB» инкубаторлық орталығының менеджерлері Абдуали Құрманғазы мен Альмахан Тоқтасын қатысты.

Кездесу барысында мамандар жатақхананы аралап, студенттердің тұрмыс жағдайымен танысты. Сонымен қатар, ішкі тәртіп талаптары, психологиялық қолдау алу мүмкіндіктері, денсаулықты сақтау және салауатты өмір салтын ұстану мәселелері түсіндірілді.

Қызылорда Hub инкубаторлық орталығының мамандары студенттерге инновациялық жобаларды жүзеге асыру, кәсіпкерлік бастамаларды дамыту және жастарға арналған мүмкіндіктер туралы ақпарат берді.

Студенттермен еркін форматта пікір алмасып, олардың жатақханадағы өміріне қатысты сұрақтары мен ұсыныстары тыңдалды.