• 30 қыркүйек 2022
• 1884

Болашақ заңгерлер құқық қорғау саласының өкілдерімен кездесті

Қорқыт Ата атындағы Қызылорда университетінің студенттері Қазақстан Республикасы Ішкі істер органдарының Құрметті қызметкері, ҚР Журналистер Одағының мүшесі, отставкадағы полиция полковнигі Әмірбек Шаймағамбетов және Қызылорда облысы бойынша Сот сараптамалары институтының сарапшысы Серік Молжанов кездесті.

Жиын барысында заң саласында қызмет етудің жауапкершілігі, заңгерлерге жүктелетін міндеттер туралы айтылды.

Кездесуде Әмірбек Бердібекұлы ел тәуелсіздігінің 30 жылдығына орай жарық көрген «Тәуелсіздік қырандары» кітабымен таныстырып, өңірде резонанс тудырған аса ауыр қылмыстар мен жауаптыларды анықтау процесіндегі тәжірибесімен бөлісті.

Сондай-ақ, білім алушыларды Кемел Тоқаев атындағы детектив жанрындағы шығармалардың республикалық байқауына қатысуға шақырды. Байқау биыл бесінші рет Қызылорда облысы әкімдігінің қолдауымен және республикалық «Заң Медиа» корпорациясының ұйымдастырумен өткізілмек.

Айта кету керек, мұндай кездесулер студенттердің білімін арттырып қана қоймай, жастар арасындағы құқықбұзушылықтың алдын алуға ықпал ететіні белгілі.

Қорқыт ата атындағы Қызылорда университетінің медиа орталығы
Байланыс телефоны: 87242 26-21-34
e-mail: kmu.kmu@list.ru