• 24 қыркүйек 2026
• 76

«JaStar» ЖАСТАР ҰЙЫМДАРЫН ТАНЫСТЫРУ КЕШІ ӨТТІ

Қорқыт ата атындағы Қызылорда университетінде 1-курс студенттеріне арналған «JaStar» жастар ұйымдарын таныстыру кеші ұйымдастырылды.
Іс-шараға Әлеуметтік және тәрбие жұмыстары жөніндегі проректор Уәлихан Ибраев қатысып, білім алушыларға ізгі тілегін білдірді. Ол жастардың тың бастамаларына қолдау көрсетілетінін атап өтіп, студенттерді университеттің қоғамдық және мәдени өміріне белсенді араласуға шақырды. 

Қазіргі таңда университетте 4 бағыт бойынша 20 жастар ұйымы жұмыс істейді. Олар – ұлттық құндылықтар және мәдениет, құқық және тәртіп, қамқорлық және білім, интеллектуалды бағыттар. Аталған ұйымдар студенттердің қызығушылықтарына сәйкес түрлі бастамаларды жүзеге асырып, олардың жан-жақты дамуына мүмкіндік береді.
Жастар ұйымдарына қатысу арқылы білім алушылар оқу үдерісімен қатар шығармашылық және зияткерлік қабілеттерін жетілдіріп, қоғамдық жұмыстарда тәжірибе жинақтай алады. Сондай-ақ бұл орта студенттердің жаңа ортаға бейімделуіне, өзара байланыс орнатуына, көшбасшылық және ұйымдастырушылық дағдыларын дамытуына ықпал етеді.

Кеш барысында жастар ұйымдарының өкілдері өз қызмет бағыттарын таныстырып, шығармашылық бағдарламаларын ұсынды. 
«JaStar» кеші студенттік ұйымдардың қызметін кеңінен таныстыруға, жастардың шығармашылық әлеуетін қолдауға және білім алушылардың университет өміріне белсенді қатысуына мүмкіндік жасауға бағытталды.

Қорқыт ата атындағы Қызылорда университетінің медиа орталығы