• 24 қыркүйек 2026
• 63

«ЖАС ЗАҢГЕР» ҮЙІРМЕСІ: ҚҰҚЫҚТЫҚ МӘДЕНИЕТ ПЕН ҒЫЛЫМИ ІЗДЕНІСТІ ДАМЫТУҒА БАҒЫТТАЛҒАН АЛАҢ

Қорқыт ата атындағы Қызылорда университетінде «Жас заңгер» ғылыми-шығармашылық үйірмесінің алғашқы кездесуі өтті. Басқосу құқықтану бағыты бойынша білім алып жүрген студенттердің кәсіби және ғылыми әлеуетін арттыруға, құқықтық сауаттылығын жетілдіруге және заң мен тәртіп қағидатын ұстанатын білікті мамандарды қалыптастыруға бағытталды. 
Кездесуді «Құқықтану» білім беру бағдарламасының заң ғылымдарының кандидаты, аға оқытушысы, үйірме жетекшісі Шолпан Жұмағұлова ұйымдастырды. Алғашқы басқосу барысында үйірме мүшелері өзара танысып, алдағы жұмыстың негізгі бағыттарын талқылады. Студенттерге үйірменің мақсаты мен міндеттері таныстырылып, бірлескен ғылыми-зерттеу және шығармашылық жұмыстардың форматы айқындалды.

«Жас заңгер» үйірмесінің негізгі мақсаты – студенттердің құқықтық білімін тереңдету, ғылыми-зерттеу дағдыларын қалыптастыру және заң мен тәртіп қағидатын құрметтейтін, кәсіби жауапкершілігі жоғары заңгерлердің қалыптасуына ықпал ету.
Үйірме мүшелері өз ұсыныстары мен идеяларын ортаға салып, алдағы жобаларға қатысты пікірлерін білдірді. Бұл бастамалар студенттердің ғылыми ізденісін жүйелі түрде дамытуға және құқықтық мәселелерді терең әрі жан-жақты зерделеуіне мүмкіндік береді.

Қорқыт ата атындағы Қызылорда университетінің медиа орталығы