• 01 қазан 2026
• 22

УНИВЕРСИТЕТТЕ ЖОҒАРЫ БІЛІМ ҚЫЗМЕТКЕРЛЕРІ МЕН АРДАГЕРЛЕРГЕ ҚҰРМЕТ КӨРСЕТІЛДІ

Қорқыт ата атындағы Қызылорда университетінде 1 қазан – Қазақстан Республикасының жоғары білім қызметкерлері күні және Халықаралық қарттар күніне арналған салтанатты жиын өтті.
Іс-шарада Басқарма төрағасы – Ректор Наурызбай Байқадамов университет ұжымын қос мерекемен құттықтап, оқу орнының стратегиялық дамуына тоқталды. Сондай-ақ, аға буын өкілдерінің өмірлік және кәсіби тәжірибесі кейінгі ұрпақ үшін маңызды құндылық екеніне назар аударды.

Салтанатты жиын барысында университеттің дамуына, білім беру мен ғылымның өркендеуіне және оқу орнының қоғамдық өміріне елеулі үлес қосқан профессор-оқытушылар мен қызметкерлерге құрмет көрсетіліп, марапат төрінен көрінді.
Бүгінде Қорқыт ата атындағы Қызылорда университетінде 996 қызметкер еңбек етеді. Оның ішінде 521-і – профессор-оқытушылар құрамы. Жаңа оқу жылында университетте 147 білім беру бағдарламасы бойынша 11 500-ге жуық білім алушы білім алуда.

Қазіргі таңда университетте 356 ардагер бар. Олардың 134-і еңбек жолын жалғастырып, оқу орнының дамуына өз үлесін қосып келеді. 
Басқосуға құрметті қонақтар, университет ардагерлері, профессор-оқытушылар құрамы, қызметкерлер мен білім алушылар қатысты. Мерекелік кеш «Дидар» фольклорлық-этнографиялық ансамблінің концерттік бағдарламасымен жалғасты.

Қорқыт ата атындағы Қызылорда университетінің медиа орталығы