• 06 қазан 2026
• 46

ҚЫТАЙ: ШАНХАЙДАҒЫ ХАЛЫҚАРАЛЫҚ СЕМИНАРДЫҢ АЛҒАШҚЫ АПТАСЫ НӘТИЖЕЛІ ӨТТІ

Қорқыт ата атындағы Қызылорда университеті өкілдерінің Қытай Халық Республикасының Шанхай қаласында өтіп жатқан халықаралық семинарға қатысуының алғашқы аптасы нәтижелі өтті.

«Дамушы елдер үшін ғылыми-технологиялық инновациялар және кәсіпкерлік» тақырыбындағы семинар барысында қатысушылар ғылыми-технологиялық даму, инновация, кәсіпкерлік және оларды құқықтық реттеудің заманауи бағыттарымен танысып, Қытайдың озық тәжірибесін зерделеді. 

Дәрістер мен тәжірибелік пікір алмасулар кәсіби білімді толықтыруға, жаңа көзқарастар қалыптастыруға және халықаралық әріптестік байланыстарды нығайтуға мүмкіндік берді.

Семинарға университеттің Тіркеуші офисі, «Инжинирингтік технологиялар», «Аграрлық технологиялар», «Құқықтану» білім беру бағдарламалары және Рекрутинг бөлімі өкілдері қатысуда.

Қорқыт ата атындағы Қызылорда университетінің медиа орталығы