• 07 қазан 2026
• 51

ЖАЙДАРМАН ОЙЫНДАРЫНЫҢ ЖАҢА МАУСЫМЫ БАСТАЛДЫ

Қорқыт ата атындағы Қызылорда университетінде институттар арасында Жайдарман маусымашар ойыны өтті.
Жастардың шығармашылық қабілеті мен сахна мәдениетін дамытуға бағытталған сайысқа «Премиум», «ГПИстан», «ИТИ FM», «Вайб», «5 Style» және «Шекер» командалары қатысты. 

Ойын барысында қатысушылар студенттік өмір мен қоғамдағы өзекті тақырыптарды әзілмен өрнектеп, тапқырлықтары мен актерлік шеберліктерін көрсетті. Әр команда өзіндік стилімен ерекшеленіп, көрермендерге көтеріңкі көңіл күй сыйлады.

Сайыс қорытындысы бойынша «ГПИстан» командасы үздік өнер көрсетіп, маусымашар ойынының жеңімпазы атанды.
Жайдарман маусымашары студенттердің жаңа қырынан танылуына, шығармашылық тәжірибе жинақтауына және командалар арасындағы достық байланысты нығайтуға мүмкіндік берді.

Қорқыт ата атындағы Қызылорда университетінің медиа орталығы