• 13 қазан 2026
• 35

ШЕТЕЛДІК СТУДЕНТТЕРДІҢ ПСИХОЛОГИЯЛЫҚ БЕЙІМДЕЛУІ – УНИВЕРСИТЕТ НАЗАРЫНДА

Қорқыт ата атындағы Қызылорда университетінің Психологиялық қолдау орталығы жатақханада тұратын шетелдік студенттерге «Жаңа ортадағы мен» тақырыбында психологиялық тренинг өткізді.
Тренингтің мақсаты – білім алушылардың жаңа ортаға психологиялық бейімделуіне қолдау көрсету, өзара таныстығын нығайту, топ ішінде еркін қарым-қатынас орнатуға ықпал ету, сондай-ақ сенімділік пен бірлесіп әрекет ету дағдыларын дамыту.

Кездесу барысында «Есімім және ерекшелігім», «Мұнараны бірге тұрғыз» және басқа да психологиялық ойын-жаттығулар ұйымдастырылды. Студенттер тапсырмаларды бірлесе орындап, өзара пікір алмасып, командалық қарым-қатынас дағдыларын жетілдірді.
Тренинг шетелдік білім алушылардың университет ортасына бейімделуіне, бір-бірімен жақынырақ танысуына және жағымды психологиялық ахуал қалыптастыруға мүмкіндік берді.

Қорқыт ата атындағы Қызылорда университетінің медиа орталығы