• 16 қазан 2026
• 18

Университет оқытушыларына арналған Халықаралық кредиттік ұтқырлық Эразмус+ бағдарламасы бойынша конкурс туралы ХАБАРЛАНДЫРУ

Қорқыт Ата атындағы ҚУ Халықаралық байланыстар бөлімі Еуропалық Одақтың Эразмус+ KA171 бағдарламасы аясында 30.11.2026ж.-11.06.2027ж. аралығында Польшаның Лодзь университетіне оқытушылық ұтқырлық бағдарламасы бойынша қатысуға конкурс жариялайды. Конкурс төмендегі білім беру бағдарламалары бойынша өткізіледі:

Шетел тілдері, Әдебиет және лингвистика, Тарих және археология, Философия және этика, Биология, Биологиялық және сабақтас ғылымдар, Құқық, Экономика, Әлеуметтану және мәдениеттану, Білім беру, Педагогикалық ғылымдар, Психология, Бизнес және әкімшілік, Менеджмент және әкімшілік, Математика, Ақпараттық және коммуникациялық технологиялар, Саясаттану және азаматтық құқық, Жер туралы ғылымдар, Қоршаған орта, Физика, Бағдарламалық қамтамасыз ету мен қосымшаларды әзірлеу және талдау, Химия.

Конкурсқа аталған білім беру бағдарламалары бойынша университеттің ағылшын тілін меңгеру деңгейі B2 және одан жоғары оқытушылары қатыса алады.

Конкурстан өткен оқытушыларға Эразмус+ жобасы аясында грант бөлінеді. Грант бару-қайту жол шығынын, визалық рәсімдеу мен тұрғынжай шығындарын қамтиды.

Ұтқырлық мерзімі – 2026 жылғы 30 қараша мен 2027 жылғы 11 маусым аралығында 1 апта (5 күн + бару және қайту жолына 2 күн).

Конкурсқа қатысуға үміткерлер төмендегі құжаттарды ұсынуы тиіс:

1.     Университет басшысының атына конкурсқа қатысу туралы өтініш;

2.     ҚР азаматы паспортының және жеке куәлігінің көшірмелері;

3.     Шетел тілін меңгеру деңгейін халықаралық бағалау жүйелері арқылы растайтын сертификат (IELTS – 5.5 балл және одан жоғары, TOEFL iBT – 79 балл және одан жоғары);

4.     Үміткердің түйіндемесі (ағылшын тілінде);

5.     Өтініш беруші қол қойған ағылшын тіліндегі сауалнама-өтініш (үлгіні Халықаралық байланыстар бөлімінен алуға болады);

6.     Өтініш беруші және жіберуші ЖОО қол қойған, оқытушылық қызметті жүзеге асыруға арналған оқытушылық ұтқырлығы туралы ағылшын тіліндегі келісім (үлгіні Халықаралық байланыстар бөлімінен алуға болады).

Құжаттар 2026 жылдың 20 қазаны мен 6 қарашасы аралығында Қорқыт Ата атындағы ҚУ Халықаралық байланыстар бөлімінде қабылданады. Мекенжайы: Қызылорда қаласы, Әйтеке би көшесі, 29-А, бас оқу ғимараты, 2-қабат, 224-кабинет, тел.: 26-29-57

Қорқыт Ата атындағы ҚУ Халықаралық байланыстар бөлімі