• 21 қазан 2026
• 6

ҚАУІПСІЗДІК – ОРТАҚ ЖАУАПКЕРШІЛІК

Қорқыт ата атындағы Қызылорда университетінің Педагогика және дәстүрлі өнер институтында 19-21 қазан аралығында 1-курс білім алушыларына арналған ақпараттық-түсіндіру дәрістері ұйымдастырылды.
Кездесуге университеттің Қауіпсіздік бөлімінің басшысы Ғалымжан Жармаханов қатысып, студенттерге терроризм актілерінің қаупі, олардың алдын алу жолдары және төтенше жағдайлар кезіндегі алғашқы іс-қимыл тәртібі туралы жан-жақты ақпарат берді.

Дәріс барысында терроризмге қарсы іс-қимылды жүзеге асыратын мемлекеттік және құқық қорғау органдарының қызметі таныстырылып, қоғамдық орындарда қауіпсіздік талаптарын сақтаудың маңызы түсіндірілді. Сондай-ақ күмәнді жағдайлар туындаған кезде сабыр сақтап, жауапты қызметтердің нұсқаулықтарына сәйкес әрекет ету қажеттігі айтылды.
Ақпараттық-түсіндіру жұмыстары білім алушылардың қауіпсіздік мәдениетін қалыптастыруға, жауапкершілігін арттыруға және төтенше жағдайларда дұрыс әрекет ету дағдыларын дамытуға бағытталды.

Қорқыт ата атындағы Қызылорда университетінің медиа орталығы