• 23 қазан 2026
• 27

ХАБАРЛАНДЫРУ

«Қорқыт Ата атындағы Қызылорда университеті» коммерциялық емес акционерлік қоғамының Директорлар кеңесі, 120014, Қызылорда қаласы, Әйтеке би көшесі, 29А, «Қорқыт Ата атындағы Қызылорда университеті» КЕАҚ СЫБАЙЛАС ЖЕМҚОРЛЫҚҚА ҚАРСЫ КОМПЛАЕНС-ҚЫЗМЕТІНІҢ БАСШЫСЫ бос лауазымына орналасуға конкурс жариялайды.

Қоғам қызметінің негізгі мәні жоғары, жоғары оқу орнынан кейінгі, техникалық және кәсіптік, орта білімнен кейінгі және қосымша білім беру саласында білім беру қызметтерін көрсету болып табылады.
Қоғамның сыбайлас жемқорлыққа қарсы комплаенс-қызметі оның құрылымдық бөлімшелерінің, жұмыскерлері мен білім алушыларының Қазақстан Республикасының сыбайлас жемқорлыққа қарсы іс-қимыл саласындағы заңнамасын сақтауын қамтамасыз ету функциясын жүзеге асырады.

Конкурсқа қатысушыларға қойылатын талаптар:

Комплаенс-қызметінің басшысы лауазымына жоғары (немесе жоғары оқу орнынан кейінгі) білімі және сыбайлас жемқорлыққа қарсы іс-қимыл немесе комплаенс салаларында кемінде 3 жыл жұмыс өтілі бар не жоғары (немесе жоғары оқу орнынан кейінгі) білімі, сыбайлас жемқорлыққа қарсы комплаенс бойынша арнайы даярлығы және ұйым қызметінің бейіні бойынша кемінде 3 жыл жұмыс өтілі бар адам тағайындалады.

Комплаенс-қызметінің басшысы білуге тиіс: Қазақстан Республикасының Конституциясын; Қазақстан Республикасының «Білім туралы», «Ғылым туралы», «Лицензиялау туралы», «Қазақстан Республикасындағы мемлекеттік жастар саясаты туралы», «Сыбайлас жемқорлыққа қарсы іс-қимыл туралы», «Қазақстан Республикасындағы тіл туралы» заңдарын, ISO 37001:2016 «Сыбайлас жемқорлыққа қарсы іс-қимыл менеджменті жүйесі» халықаралық стандартын, Қазақстан Республикасының сыбайлас жемқорлыққа қарсы саясатының 2022–2026 жылдарға арналған тұжырымдамасын, сыбайлас жемқорлыққа қарсы жұмысты ұйымдастыруды, сыбайлас жемқорлық тәуекелдерін талдау мен мониторингтеуді, сыбайлас жемқорлыққа қарсы шектеулердің сақталуын бақылауды, мүдделер қақтығысын реттеуді, контрагенттердің сенімділігін тексеруді, қызметтік тексерулер жүргізуді және жұмыскерлерді оқытуды, сыбайлас жемқорлыққа қарсы іс-қимыл жөніндегі нормативтік және әдістемелік құжаттарды; сыбайлас жемқорлыққа қарсы мониторинг жүргізу және тәуекелдерді талдау тәртібін; қаржылық бақылау шаралары мен сыбайлас жемқорлыққа қарсы шектеулерді; мүдделер қақтығысын реттеу тәртібін; бақылау және сыбайлас жемқорлыққа қарсы мәдениетті қалыптастыру әдістерін; еңбек заңнамасын, ішкі тәртіп қағидаларын, еңбекті қорғау, өндірістік санитария және өрт қауіпсіздігі талаптарын.

Конкурсқа қатысуға үміткер адам Корпоративтік хатшыға мынадай құжаттарды ұсынады:

1.     өтініш;

2.     конкурсқа қатысушының жеке басын куәландыратын құжаттың көшірмесі;

3.     түйіндеме;

4.     білімі туралы құжаттардың және оларға қосымшалардың көшірмелері;

5.     жұмыс орны (қазіргі немесе соңғы) бойынша кадр қызметі куәландырған еңбек қызметін растайтын құжаттың көшірмесі;

6.     соттылығының болуы немесе болмауы туралы анықтама;

7.     сыбайлас жемқорлыққа қарсы комплаенс-қызметтің қызметі жөніндегі презентация.

Кандидаттардың құжаттарын қабылдау конкурс өткізу туралы осы хабарландыру жарияланған күннен бастап 10 күнтізбелік күн ішінде жүзеге асырылады.

Конкурстың өткізілетін күні мен орны қосымша хабарланады. Жоғарыда көрсетілген құжаттарды белгіленген мерзімде Корпоративтік хатшыға мына мекенжай бойынша ұсыну қажет: Қызылорда қаласы, Әйтеке би көшесі, 29А, 202-кабинет, телефон: 8-777-611-71-12; email: Eldana@korkyt.kz