• 23 қазан 2026
• 7

ҚОРҚЫТ АТА УНИВЕРСИТЕТІНДЕ «LEGAL TALKS: ЗАҢ ЖӘНЕ ЖАСТАР» САЙЫСЫ ӨТТІ

Қорқыт ата атындағы Қызылорда университетінде «Жас заңгер» ғылыми-зерттеу үйірмесінің ұйымдастыруымен «Legal Talks: Заң және жастар» атты сайыс өтті.

Сайысқа заң білім беру бағдарламасы бойынша білім алушылар қатысып, құқықтық білімдерін, шешендік қабілеттері мен шығармашылық шеберліктерін көрсетті.

Іс-шара төрт кезең бойынша ұйымдастырылды. Қатысушылар «Заңгерлік көпбұрыш», «Құқықтық аукцион», «Қазақ дәстүрі және құқық», «Өнерлі топ – өрелі топ» кезеңдерінде бақ сынады. Кезеңдер аясында студенттер құқықтық сұрақтарға жауап беріп, заң нормалары мен қазақтың дәстүрлі құқықтық құндылықтары бойынша білімдерін ортаға салды.

Сайыс қорытындысы бойынша:
І орын – Ю-26-1 тобы;
ІІ орын – Ю-26-9 тобы;
ІІІ орын – Ю-26-3 тобы.

Жүлделі орындарға ие болған командалар марапатталып, қалған қатысушыларға алғыс хаттар табысталды.

Сайыс студенттердің құқықтық сауаттылығын арттыруға, кәсіби білімдерін жетілдіруге және болашақ заңгерлердің шешендік әрі шығармашылық қабілеттерін дамытуға бағытталды.

Қорқыт ата атындағы Қызылорда университетінің медиа орталығы