• 03 қараша 2026
• 45

ІЗГІЛІККЕ БАСТАҒАН ИГІ ІС

Қорқыт ата атындағы Қызылорда университетінде Әлеуметтік жұмыс апталығы аясында «Мейірімділік мекені» қайырымдылық акциясы ұйымдастырылды.
Акцияның мақсаты – қайырымдылық пен ізгілік құндылықтарын дәріптеу, әлеуметтік жауапкершілікті арттыру және көмекке мұқтаж отбасыларға қолдау көрсету.

   

Ізгі бастамаға университеттің профессор-оқытушылар құрамы, қызметкерлер, Экономика және құқық институты мен өзге де институттардың студенттері белсенді атсалысты. 
Акция нәтижесінде көмекке мұқтаж 10 отбасыға азық-түлік өнімдері, көкөністер, тұрмысқа қажетті заттар мен қаржылай көмек табысталды.

Қайырымдылық акциясы университет қауымдастығының бірлігі мен азаматтық жауапкершілігін айқындап, ізгілік пен жанашырлықтың нақты іспен көрініс табатынын көрсетті. Ортақ іске жұмылған ұжымның қолдауы мұқтаж отбасыларға демеу болып, қоғамдағы өзара қамқорлықтың маңызын тағы бір мәрте танытты.

Қорқыт ата атындағы Қызылорда университетінің медиа орталығы