• 05 қараша 2026
• 77

ЖАСАНДЫ ИНТЕЛЛЕКТ – ПЕДАГОГТІҢ ЖАҢА КӘСІБИ ҚҰРАЛЫ

Қорқыт ата атындағы Қызылорда университетінде Біліктілікті арттыру және қосымша білім беру орталығының ұйымдастыруымен Болашақ университетінің профессор-оқытушылар құрамы мен қызметкерлеріне арналған 72 сағаттық біліктілікті арттыру курсы өтті.

«Білім беру саласындағы жасанды интеллект құралдары» тақырыбында аралас форматта ұйымдастырылған оқу бағдарламасы педагогтер мен қызметкерлердің жасанды интеллект құралдарын тиімді пайдалану дағдыларын дамытуға бағытталды.

Курс барысында тыңдаушылар жасанды интеллект мүмкіндіктерін білім беру үдерісіне енгізу, оқу жұмысының тиімділігін арттыру және инновациялық технологияларды тәжірибеде қолдану бойынша білімдерін жетілдірді.

Оқу бағдарламасын Информатика және ақпараттық-коммуникациялық технологиялар білім беру бағдарламасының аға оқытушысы, экономика ғылымдарының кандидаты Нұрлан Құлмырзаев жүргізді.

Курс қорытындысы бойынша оқу бағдарламасының барлық талаптарын орындаған тыңдаушыларға 72 сағаттық біліктілікті арттыру курсынан өткенін растайтын сертификаттар табысталды.

Қорқыт ата атындағы Қызылорда университетінің медиа орталығы