• 09 қараша 2026
• 23

ДӘСТҮРГЕ АЙНАЛҒАН СПАРТАКИАДА БАСТАЛДЫ

Қорқыт ата атындағы Қызылорда университетінде студенттер арасында жыл сайын дәстүрлі түрде ұйымдастырылатын спартакиада басталды. Спорттық дода студенттердің салауатты өмір салтын ұстануына, бұқаралық спортты дамытуға және жастар арасында достық қарым-қатынасты нығайтуға бағытталған.

Спартакиаданың алғашқы күні студенттер үстел теннисі мен шахматтан өзара бақ сынауда. Аталған екі спорт түрі бойынша жарысқа барлығы екі ерлер командасы мен бір қыздар командасы қатысуда. Қатысушылар спорттық шеберліктерін, ептіліктері мен зияткерлік қабілеттерін көрсетіп, жеңіс үшін тартысты бәсекеге түсуде.

Айта кетейік, дәстүрлі спартакиада 9–13 қараша аралығында жалғасады. Жарыс бағдарламасына стритбол, тоғызқұмалақ, волейбол, жүзу, футзал және арқан тарту сынды спорт түрлері енгізілген.

Бес күнге созылатын спорттық шара студенттердің спортқа деген қызығушылығын арттырып, командалық рух пен өзара ынтымақтастықты қалыптастыруға мүмкіндік береді.

Қорқыт ата атындағы Қызылорда университетінің медиа орталығы