• 13 қараша 2026
• 28

«ЗАҢ МЕН ТӘРТІП – САЛАУАТТЫ ҚОҒАМ НЕГІЗІ»: СПАРТАКИАДА ЖЕҢІМПАЗДАРЫ МАРАПАТТАЛДЫ

Қорқыт ата атындағы Қызылорда университетінде «Заң мен тәртіп – салауатты қоғам негізі» тақырыбында 1-курс білім алушылары арасында дәстүрлі спартакиаданың жабылу рәсімі өтті.

Бес күнге созылған спорттық додада университеттің 6 институтынан құралған командалар спорттың 8 түрі бойынша өзара бақ сынады. Білім алушылар үстел теннисі, шахмат, стритбол, тоғызқұмалақ, волейбол, футзал, жүзу және арқан тарту жарыстарына қатысты.

Салтанатты шарада университеттің Басқарма мүшесі – Әлеуметтік және тәрбие жұмыстары жөніндегі проректор Уәлихан Ибраев жеңімпаздарды марапаттау рәсімін ашты. 

Спартакиада аясында команданың үздік жетекшісі және команданың үздік төрешілері номинациялары бойынша да үздіктер марапатталды.

Дәстүрлі спартакиаданың жалпы командалық қорытындысы бойынша III орынды Жаратылыстану институты, II орынды Жасанды интеллект институты, I орынды Гуманитарлық-педагогикалық институты иеленді.

Спартакиада білім алушылардың спортқа деген қызығушылығын арттырып, салауатты өмір салтын насихаттауға және институттар арасындағы достық байланысты нығайтуға бағытталды.

Қорқыт ата атындағы Қызылорда университетінің медиа орталығы