• 17 қазан 2022
• 1779

«KAZINTERSERVICE» ЖШС өкілдері профессор-оқытушылармен кездесті

Университетіміздегі зертханалық жабдықтардың ресми жеткізушісі – «KAZINTERSERVICE» ЖШС өкілдері оқу орнының материалдық-техникалық базасымен танысты.  

Ғылым департаменті ұйымдастырған кездесуге Жаратылыстану және Инженерлік-технологиялық институтының профессорлық-оқытушылық құрамы, сондай-ақ «Физикалық-химиялық талдау әдістері» инженерлік бейіндегі зертханасы, Т.Д.Қуанышбаев атындағы химия-биологиялық зерттеу ғылыми-білім беру орталығы және Агробиологиялық орталық қызметкерлері қатысты.

«KAZINTERSERVICE» компаниясы білім беру шешімдері саласындағы үздік әлемдік брендтердің ресми дистрибьюторы болып табылады. Компания бүкіл Қазақстан бойынша оқу орындарын – мектептерді, колледждерді, университеттерді жабдықтайды.

Жиында компанияның Германиядан келген ресми өкілі – Владимир Щелаков «Phywe» компаниясының тарихымен таныстырып, барлық соңғы буындағы зертханалық жабдықтар туралы ақпарат берді.

Ғалымдар сұрақ-жауап алмасып, алдағы уақытта әріптестік байланыс орнатуға үлкен ықыластарын білдірді.

Қорқыт ата атындағы Қызылорда университетінің медиа орталығы
Байланыс телефоны: 87242 26-21-34
e-mail: kmu.kmu@list.ru