• 22 қазан 2022
• 1717

Музейдегі мектеп күні

25-қазан Республика күніне орай Қорқыт ата атындағы Қызылорда университетінде «Музейдегі мектеп күні» атты шара ұйымдастырылды. Жиында оқушыларға ұлттық мерекенің маңыздылығы, тарихи жәдігерлер және университет тарихы туралы деректер айтылды. 

Музей меңгерушісі Айдана Хабиева университеттің фотосуреттер галерея мұражайында құжаттық материалдар, фотостенді мен диаграмма-схемалары бар 57 экспозиция ұсынылғанын атап өтті.

- Музей университеттің 60 жылдық мерейтойына орай 1997 жылы ашылды. Фотосуреттер галереясының арнайы бір бөлігі оқу орнына басшылық жасап, оның дамып, қалыптасуына өз үлесін қосқан тұлғаларға арналған.

Қазіргі уақытта білім ордасында мұнан өзге «Археология және этнография» ғылыми-зерттеу орталығының көрме залы, «Елбасы және Тәуелсіз Қазақстан» оқу-көрме залы, «Спорт данқы» музейі, ҚР еңбек сіңірген гидротехнигі Мәделхан Нәлібаев атындағы су шаруашылығы музейі, «Зоология» музейі бар, – деді Айдана Маратқызы.

Экскурсияға Н.Ілиясов атындағы №9 мектеп-гимназия, Абылайхан атындағы №140 қазақ орта мектебі, С.Сейфуллин атындағы №4 ақпараттық технология мектеп-лицейінің 10-11 сынып оқушылары қатысты.

Жиын соңында оқушылар музейден алған әсерімен бөлісіп, тарихи құндылық, мәдени мұраларымыз туралы ойларымен бөлісті.

Қорқыт ата атындағы Қызылорда университетінің медиа орталығы
Байланыс телефоны: 87242 26-21-34
e-mail: kmu.kmu@list.ru