• 07 қараша 2022
• 1710

«Заң. Әділдік. Теңдік - сыбайлас жемқорлыққа қарсы мәдениетті қалыптастыру негізі»

Қорқыт ата атындағы Қызылорда университетінде «Заң. Әділдік. Теңдік - сыбайлас жемқорлыққа қарсы мәдениетті қалыптастыру негізі» тақырыбында республикалық ғылыми - тәжірибелік конференция өтті.

Жиында ҚР Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Қызылорда облысы бойынша департаменті басшысының бірінші орынбасары Асылхан Ашиков сыбайлас жемқорлықтың құқық бұзушылық көріністері мен оның туындау себеп салдарын жоймай, сыбайлас жемқорлықты азайту мүмкін еместігін атап айтты.

- Сыбайлас жемқорлыққа қарсы іс-қимылды заман талабы әдістерін қолдану арқылы күшейту барлығымызға ортақ міндет болып табылады. Мемлекет басшысы Қасым-Жомарт Кемелұлы Тоқаевтың 2022 жылғы 2 ақпанындағы №802 жарлығымен Қазақстан Республикасының 2022-2026 жылдарға арналған сыбайлас жемқорлыққа қарсы саясатының тұжырымдамасы бекітілді. Тұжырымдаманы әзірлеуде азаматтық қоғамның, сарапшылардың, бизнес-қауымдастықтың пікірі, озық шетелдік тәжірибе және халықаралық стандарттар ескерілді, – деді Асылхан Ашиков.

Конференцияда сыбайлас жемқорлықты болдырмаудың тәсілдрі талқыланды.

Айта кету керек, шарада Қызылорда облысы бойынша экономикалық тергеп-тексеру департаментінің Жедел басқармасының аса маңызды істер жөніндегі жедел уәкілі Дәулет Күдебаев, Қызылорда облысының мамандандырылған ауданаралық экономикалық сотының судьясы Зәуре Жарылқасынова, Л.М.Гумилов атындағы Еуразия ұлттық университетінің доценті Меруерт Мұратханова, Абай атындағы Қазақ ұлттық университетінің кафедра меңгерушісі Жанель Сайлыбаева, Қорқыт ата атындағы Қызылорда университетінің Сыбайлас жемқорлыққа қарсы қызмет комплаенс - офицері Әлібек Жаппасбаев, «Құқықтану» кафедрасының аға оқытушысы заңтану магистрі Еркемай Саниязова мазмұнды баяндамалар жасап, пікір алмасты.

Қорқыт ата атындағы Қызылорда университетінің медиа орталығы
Байланыс телефоны: 87242 26-21-34
e-mail: kmu.kmu@list.ru