• 18 қараша 2022
• 1780

Алғаш рет киіз басу шеберлерінің халықаралық фестивалі өтті

  Алматы қаласында «Қазақстан қолөнершілер одағының» ұйымдастыруымен «Kиiз•Felt•Keçe•Войлок» атты алғаш рет киіз басу шеберлерінің халықаралық фестивалі өтті.
  Жиын барысында киіз басу шебері Дженис Арнольд (АҚШ),  ғылыми-зерттеуші Михайло Ветро (Венгрия), киіз басушы шеберлер әулетінің ізін жалғастырушы Салих Гиргич (Түркия), Қазақстан қолөнершілер одағының төрайымы Айжан Бекқұлова шеберлік сағатын өткізді. Шетелдік қонақтардың өздері жасаған кілемдері мен киізден жасалған киімдері көрмеге қойылды. Қатысушылар әр елдің туындыларын салыстырып,  айырмашылығы мен жасау стилінің өзгешелігін көрді. 
  Айта кетейік, халықаралық фестивальге Қорқыт ата атындағы Қызылорда университетінің «Дизайн және технологиялар» кафедрасының аға оқытушы, педагогика ғылымдарының магистрі, Қазақстан қолөнершілер Одағының мүшесі Айдана Әлайдароав қатысып, арнайы сертификатпен марапатталды.

Қорқыт ата атындағы Қызылорда университетінің медиа орталығы
Байланыс телефоны: 87242 26-21-34
e-mail: kmu.kmu@list.ru