• 08 желтоқсан 2022
• 1501

Сыбайлас жемқорлыққа қарсы күрес және заң үстемдігі

9 желтоқсан – Халықаралық сыбайлас жемқорлықпен күрес күніне орай «Сыбайлас жемқорлыққа қарсы күрес және заң үстемдігі»  атты облыстық форум өтті. Шараға облыс әкімінің орынбасары Сақтаған Нұрымбетов қатысып, атаулы күннің маңыздылығына тоқталды.

Жиында сыбайлас жемқорлыққа қарсы саясаттың іске асырылуына және қоғамда адалдық, әділдік, парасаттылық құндылықтарын нығайтуға үлес қосқан бірқатар сала өкіліне грамота табысталды.

Айта кету керек, ҚР Сыбайлас жемқорлыққа қарсы іс-қимыл агенттігі (Сыбайлас жемқорлыққа қарсы қызмет) Қызылорда облысы бойынша департаментінің басшысы Серікжан Мырзалының грамотасымен Қорқыт ата атындағы Қызылорда университетінің «Құқықтану» кафедрасының меңгерушісі, з.ғ.к. Ерлан Алтаев, «Құқықтану» кафедрасының аға оқытушысы, заңтану магистрі Еркемай Саниязова марапатталды.

Қорқыт ата атындағы Қызылорда университетінің медиа орталығы
Байланыс телефоны: 87242 26-21-34
e-mail: kmu.kmu@list.ru