• 12 желтоқсан 2022
• 1457

Білім алушылар «Не? Қайда? Қашан?» зияткерлік ойынына қатысты

 Қорқыт ата атындағы Қызылорда университетінде «Құқықтану» мамандығы бойынша білім алушылар арасында «Не? Қайда? Қашан?» зияткерлік ойыны ұйымдастырылды. Сайыстың мақсаты – студенттердің сыбайлас жемқорлыққа қарсы білімдерін, логикалық ойлау қабілетін арттыру болып табылады.

 Жарысқа Қызылорда облысы бойынша экономикалық тергеп-тексеру департаменті Әкімшілік басқармасының бас маманы Бақыт Орданова, ҚР Сыбайлас жемқорлыққа іс қимыл агенттігі (Сыбайлас жемқорлыққа қарсы қызмет) Қызылорда облысы бойынша департаменті Превенция басқармасының бас маманы Жанар Қозбағарова, Қорқыт ата атындағы Қызылорда университеті, Сыбайлас жемқорлыққа қарсы комплаенс-қызметінің комплаенс-офицері Әлібек Жаппасбаев сарапшы ретінде қатысып, үздік зияткерлерді анықтады.

  Сайыс қорытындысы бойынша ретінде Нұрдаулет Карисбек пен Айжан Бақытжан «Үздік зияткер» деп танылып, арнайы дипломдармен марапатталса, «Сенат» тобының капитаны Дәуір Махмұт  Қызылорда облысы бойынша экономикалық тергеп-тексеру департаменті басшысының Алғыс хатымен марапатталды.

  Сайыс қорытындысы бойынша «Сенат» тобы жеңіске жетіп, жеңімпаздарға арнайы диплом мен сыйлықтар табысталды.