• 26 желтоқсан 2022
• 1172

Жас ғалым Өзбекстанда өткен халықаралық форумға қатысты

Қорқыт ата атындағы Қызылорда университеті, «Су шаруашылығы және жерге орналастыру» кафедрасының аға оқытушысы, Phd Ерлан Шынбергенов Өзбекстанның Нөкіс қаласында өткізілген халықаралық форумға қатысты.

«Жасыл Аралға жол: инновация және ынтымақтастық» атты жас ғалымдардың халықаралық форумында сала мамандары арнайы зерттеулерін көпшілікке ұсынды.

Форумның мақсаты – ғылым мен технология көмегімен Арал теңізінің жасыл және тұрақты дамуын қолдау.

Форумда Арал теңізі бассейнінің тұрақты дамуына ұмтылған ғалымдар ғылыми-техникалық дамудың соңғы тенденцияларымен бөлісіп, жаңа инновациялық жаңалықтарды ортаға салды.

Ерлан Әлімжанұлы форумда «Анализ биоразнообразия и динамики изменения границ Северного Аральского моря с применением геоинформационных систем» тақырыбындағы баяндама жасады.

Аталған шара Өзбекстан Республикасы Президенті жанындағы Арал өңірінің халықаралық инновациялық орталығы және Қытай Ғылым академиясының Шыңжаң экология және география институтының ұйымдастыруымен өткізілді.

Форумға Өзбекстан Республикасы және Қарақалпақ Республикасының үкімет мүшелері, Қытай Ғылым академиясының президенті қатысты.

Ауқымда шара соңында белсенді жас ғалымдарға ұйымдастырушылар тарапынан сертификаттар табысталды.

Қорқыт ата атындағы Қызылорда университетінің медиа орталығы
Байланыс телефоны: 87242 26-21-34
e-mail: kmu.kmu@list.ru