• 30 желтоқсан 2022
• 1142

«Жоғары оқу орнының үздік оқытушысы-2022»

Қорқыт ата атындағы Қызылорда университетінің «Дизайн және технологиялар «кафедрасының меңгерушісі, профессор Жұлдыз Смаилова, «Аграрлық технологиялар» кафедрасының доценті, а.ш.ғ.д. Лаура Тохетова, «Физика және математика» кафедрасының академиялық профессоры, ф.-м.ғ.к. Шералы Ибраев республикалық байқаудың қорытындысы бойынша «Жоғары оқу орнының үздік оқытушысы» атанды. 
Байқауда комиссия мүшелері  өз мамандығы бойынша үздіктердің үздігін анықтады. Конкурсқа еліміздің 71 жоғары оқу орнынан барлығы 775 үміткер қатысып,  150 оқытушысы жеңімпаз атанды. Олардың әрқайсысына 2000 АЕК көлемінде сыйақы беріледі.  Қаржылай ынталандырудан бөлек «2022 жылғы Жоғары оқу орнының үздік оқытушысы» конкурсының жеңімпаздарына арнайы  төсбелгі табысталады.
Конкурс жыл сайын оқытушы кәсібінің беделін арттыру және оларды одан әрі кәсіби дамытуға ынталандыру мақсатында өткізіледі.

Қорқыт ата атындағы Қызылорда университетінің медиа орталығы
Байланыс телефоны: 87242 26-21-34
e-mail: kmu.kmu@list.ru